Da Jordan (hebräisch נהר הירדן Nəhar ha-Jarden, „da owesteigande Fluss“; arabisch نهر الأردن, Umschrift: nahr al-Urdunn) is a Fluss im Nohn Ostn in Westasien. Ea is 251 Kilometa laung und fliaßt ins Dode Meea. Israel und Palestina liegn im Westn vom Fluss, Jordanien im Ostn.
De Quöfliss vom Jordan entspringa im Hermongebiag in de Golanhächn und vaeinign si um Sde Nehemia zum Jordan. Dea duachfliassd in See Genezareth und mindt im Dodn Meea.
Da Jordan is fia Israel und Jordanien de wichtigste Siaßwossaquön. Duach de extreme Wossaentnauhme vau 1200 Müll. m³, wiad da Jordan in seim Valauf a Rinnsoi aus Obwossan. Daduach sinkt da Wossastaund vom Dodn Meea dramatisch weida o, weu da Jordan da anzige Zuafluss is.
Da Jordan woa in da Zeid vo da Entstehung vom oidn Kenigreich Israel de Grenz zua de aundan, "fremdn" Vöka. Waun ma iwan Jordan ganga is, daun is ma entweda in Feindeslaund kumma und hod um sei Lem fiachtn miassn oda ma is wieda in de Haamat kumma. So is "iwan Jordan geh" zua Rednsoat fia Steam wuan.
