S Lenbachhaus (amtli: Städtische Galerie im Lenbachhaus) is a Kunstmuseum z Minga in Bayern. Dees Gebaide is de denkmoigschitzte Villa vom Molafiascht Franz vo Lenbach.
Im Lenbachhaus ko ma vor amoi Weake vo Molan ausm 18. und 19. Joarhundat segn, wo z Minga gorbat ham. Dazua kema Orbatn vo Midgliedan vo da "Mingara Sezession".
Wejdbekannt is s Lenbachhaus fia de Sammlung vo Orbatn vo da Gruppm Da Blaue Reida wia zan Beispui vom Alexej Jawlensky, Wassily Kandinsky, Gabriele Münter, Franz Marc, August Macke, Marianne von Werefkin und Paul Klee.
Dazua wean a no Weake vo da Stuirichtung Neie Sochlichkeit zoagt.
