D Wiesn (deitsch: Oktoberfest) is a riesigs Voiksfest, des wo jeds Jåhr in Minga stådfindt. D Wiesn is as grässte Voiksfest vo da Wäit. Obwoi d'Wiesn si imma mehra vo ihre Wurzeln entfernt, is trotzdem no vui Traditionelles zum find'n. Außerdem is's was, was ja jeda auf da ganzn Wäit mit Bayern verbindt.
Kenna duat ma vo da Wiesn aa den Ausruf "Ozapft is!", wos mid dem Oozapfn vom erstn Fassl Bia duach den Obabiagamoasta vo Minga den Ofang von da Wiesn markiert.
Es fangt an am Samsdåg o, dauat zwoa Wocha und heat am eastn Sonndåg im Oktoba auf. Seit 2000 is's so g'reglt: Foit da easte Sonndåg im Oktoba aufn 1. oda 2. Oktoba, dauat d'Wiesn bis zum Dåg da Deitschn Einheit (3. Oktoba). So dauat d'Wiesn mindastns 16, aba hächstens 18 Dåg.